I kenn niemert, wo vo sich seit, er/sie fühli sich vom erstä Moment wohl vor dä Kamera. Äs isch immer ä Nervosität doh, wie vor jederä anderä Situation, wo ungwohnt isch.  I chan sehr guet nohfühle, wie das isch (zumol i sälber 100-mol lieber hinder, als vor dä Kamera stohne). Villicht chostets di sogar äs bitzli Überwindig… aber i verspriche dir, dass das schnell verbi goht und sich uf jedä Fall lohnt. Schöni Bilder vo sich z’ha, isch so wertvoll. Sie gänd üs nöd nur äs guets Gfühl, sie ermöglicheds üs au, üs sälber liebevoller wohrzneh. Das isch s’gröschti Gschenk, wo ehr eui sälber chönd mache.

I leggä viel Wert druf, dass ehr eui wohl fühled, drum kümmerä ich mich um alles, was mer bruchäd. Mer träffed üs ame wunderschöne Plätzli i dä Natur, oder bi dir diheimä. I verwickle di ines Gspröch, halt di in Bewegig… mer chönd bispielswiis dini Lieblingsmusig abspielä & chli däzue abtanze. D’Kamera söll nie im Vordergrund stoh, sie isch nur Mittel zum Zweck.

Di früenä Morgä-/oder Obigstunde eignäd sich hervorragend für äs Portraitshooting. Denn stoht d’Sunne tüüfer am Himmel, d’Schatten sind weniger hart & s’Liecht schmeichlet dir.